中環活動各唱多首歌未滿足 張天賦洪嘉豪9月再合體開騷
香港文匯報訊 首屆ARTAVERSE戶外展覽於中環海濱活動空間舉行，昨日已結束。大會特別安排現場音樂表演於一連兩周的周五及周末晚上舉行。前晚（11日）第四場演出，由洪嘉豪及MC張天賦擔任表現嘉賓。獻唱三首歌的洪嘉豪，首先自彈自唱出《24/7戀人》，他在台上表示：「一直好想做呢類型festival，多謝今晚大會請我嚟，希望再有機會做呢類型演出。」到演繹完《活人鏢靶》後，洪嘉豪指原本是晚想演唱較side track的《救》，但最終決定改唱樂迷較熟悉的《逆時車站》。
雖然自彈自唱了三首歌，但洪嘉豪直言並不夠喉，無奈時間有限未能多唱幾首，他說：「大家都知我同MC有首合唱歌《聖誕很忙》，但係一直都未有機會唱畀大家聽。」在場fans聞言便不斷歡呼，但洪嘉豪卻笑說：「哎呀，覺得有啲對唔住大家，今晚大家都唔會聽到呢首歌嘅，但遲啲會有機會。今晚天雨路滑，大家小心地滑呀。」並介紹接力演出的MC張天賦出場。
唱出第一首歌《反對無效》後，MC在台上表示自己不僅是跟洪嘉豪水火不容，連跟在座的觀眾亦是水火不容，他解釋說：「因為下晝咁大雨大家都喺度等，咁極端嘅天氣都等，所以大家對我哋嘅愛都係唔會溶㗎！」台下有fans聞言即大叫：「為咗你係值得㗎！」由於是晚全場爆滿，當中不少fans都站起來欣賞演出，MC為免最後排fans被擋着，故在台上呼籲：「大家盡可能坐低，燈牌都係唱完歌先舉，因為要顧及後排觀眾，唔想佢哋睇唔到。」照顧完fans後，MC再唱出《Boyfriend material》及《時候不早》，雖然已在台上演唱了三首歌，但他指自己心情仍相當緊張：「我頭先喺後台緊張到手震，其實我隻手?家都仲震緊。」他又感激樂迷一直支持自己，令他由餐廳的小舞台，走到今日這個戶外場地，並為眾人送上最後一首歌《記憶棉》。
完騷後洪嘉豪跟MC接受訪問，二人直言是晚並不夠喉，故表示他們9月將會再次合體舉行演唱，問到二人屆時會有什麼特別演出？洪嘉豪表示：「我有華納舞王之稱，到時跳舞都可以嘅。」但問到會否跟MC在演唱會上鬥舞？洪嘉豪即笑說：「自己跳舞都未搞得掂，唔好鬥喇。」在旁的MC則透露6月底將會推出新歌：「另外我同嘉豪都會有首演唱會主題曲，就會喺8月中出嘅。」
