楊詩敏感激邵子風 稱自己重生靠前度
香港文匯報訊（記者 李思穎）46歲楊詩敏（蝦頭）情史豐富，她接受林柏希主持網上節目《月傾會》訪問時坦言拍散拖次數是數之不盡，若然是真愛便五隻手指數得完。在多段感情中，說到最無自尊的一次，蝦頭便提到前度邵子風，她說：「我覺得為佢差唔多付出一切，我冇咗自己！大家都知道，我對上一個係邊個啦！我哋關係好複雜，又拍拖又經理人又一齊開公司，我哋大家都係兩個傷痕纍纍的靈魂！當時有一股蠻勁好想可以有永遠，也視佢為我一個結婚對象，到第四年關係愈見複雜，之後又搞作品，我就覺得再唔分開，我哋會攬住一齊死，真係堅係死呀！」
不過蝦頭要好多謝前度，令她重生：「現在點解話成長咗，我明白冇嗰陣時所有經歷，我今日唔會重生。」蝦頭試過無數次分手經歷，她說：「有次分手後好傷心，之後一年過着荒唐生活，不停吃喝玩樂，飲酒識男仔，另一次失戀便去了泰國散心，也試過識到一個泰國男朋友維持了一年便分手！」蝦頭亦承認曾與一位舞台劇演員拍拖，但就不肯透露對方身份。
