劇透陸續有人死 極富追看性 陳山聰好爸爸形象助吸金
香港文匯報訊（記者 梁靜儀）譚俊彥（Shaun）、陳山聰、龔嘉欣、譚凱琪（Zoie）及趙希洛等，昨日到將軍澳電視城出席劇集《十八年後的終極告白 2.0》之「你瞞·我瞞」宣傳活動，席間張弛豪（Aska）即場唱出劇集主題曲《色彩背後》外，一眾藝員又玩遊戲，大晒可愛童年照。對於新劇收視不似預期，山聰反而更重視口碑，並劇透陸續有人死，極富追看性。而他又憑着《金宵大廈2》熱潮及好爸爸形象，獲得不少廣告工作機會。
譚俊彥日前專程由內地趕回港為該劇宣傳，對於劇集首周收視只有14.7點，他則表示收到的消息是首集跨平台收視有18.2，覺得有上調空間。問到對收視可有信心？他說：「有信心，只要有討論度（收視率）就上到去，今星期我個角色會有轉變，之前都係被人打、被老婆鬧都冇反應，根本唔在乎老婆，（現實中被老婆鬧是否都冇反應？）我會鬧返佢，但我最後都會輸，哈！哈！」
日前阿Shaun的女兒7歲生日，他透露送了一部單車給女兒，因返港後他只見過爸爸（狄龍）一次，希望藉着爺爺教孫女踩單車，增進爺孫感情，而當年也是公公婆婆教他踩單車，希望承傳下去。
龔嘉欣就表示沒有留意新劇的收視，因近日忙於為新劇《靈氣逼人》做準備，但每晚都抽時間看該劇作自我檢討。對於劇集收視未如理想，問到可會感到失望？她說：「收視控制唔到，唔會失望，之後劇情發展會有更多估唔到又刺激嘅場面，好有追看性。」她又透露之後與阿Shaun的對手戲很有挑戰性，配音時更感動到喊。
嘉欣又透露今日就要開工拍《靈氣逼人》，劇中她飾演女鬼，要去很多荒廢了的學校及村屋取景，並會有很多夜班，而她的角色因要飄來飄去，所以很多吊威吔場面，不過她指因為劇集是一齣開心劇，她與張振朗有一段浪漫的人鬼戀。
山聰自爆童年百厭史
陳山聰昨日展示自己3歲在澳門影的童年照，更拿來與兒子Jaco的相做對比，覺得兒子的笑容及百厭很似自己。他說：「細個跟阿媽去街市買餸，成隻腳差咗落坑渠，喊到不得了，後來用生油幫我整返隻腳出嚟，又試過舅父帶我去睇金魚，我成個頭撼落個魚缸，撞爛晒，結果縫咗10針！」他又透露兒子前日復課，返學前玩玩具車時向後跌，撞落電視櫃，他立即為Jaco敷冰，幸好櫃邊包了膠。說到Jaco首日復課，撞完可能變狀元，山聰笑說： 「希望啦。」
談到《十》劇首周收視只得14.7，山聰說：「呢段時間多咗人出街食飯，但口碑唔錯，又唔需要失望，都係第一個星期，收視對演員唔係最重要，因為大家睇電視模式已經唔同，好嘢一定有人睇，我睇好多視評都係正評，之後陸續會有人死，應該好有追看性。」
另外，近日一劇接一劇的山聰，憑着《金宵大廈2》熱潮及好爸爸形象，獲得不少廣告工作機會，近日就連拍兩個健康產品廣告，對於連拍兩個廣告，山聰非常感恩及很開心得到觀眾、客戶的支持。他謂平日除了工作，其餘時間都放在兒子身上，連帶拍廣告亦多了一些爸爸角色。
山聰拍的其中一個廣告，需要在戶外草地跟小朋友做對手戲，並要在炎炎夏日下抱起小朋友轉圈，對於平日照顧開兒子Jaco的山聰來說並沒有太大難度，但就要好有耐性：「個小朋友兩三歲左右，好難控制佢，佢突然間好攰就瞓低喺草地，但嗰時仲roll緊機！所以對住小朋友要好有耐性，好彩導演氹小朋友都好有經驗，我都有偷師！」作為新手奶爸，山總最難忘是一次為Jaco換片：「以為他是小便，但一打開竟然是大便，最後搞到我成隻手都係，畢生難忘！」對於可會和Jaco父子檔拍廣告？山聰表示自己很開明，但會視乎工作性質。
