譚俊彥 譚凱琪拍浴室親熱戲 另一半齊「監場」 龔嘉欣羨慕夫妻甜蜜
香港文匯報訊（記者 梁靜儀）譚俊彥（Shaun）、陳山聰、龔嘉欣、譚凱琪（Zoie）、趙希洛及邵展鵬等，昨日到黃大仙出席劇集《十八年後的終極告白2.0》之「端午告白」宣傳活動，跟市民提早過端午節並大派禮物。Shaun與Zoie有一場浴室親熱戲，雙方另一半都有前來探班，龔嘉欣就表示相當羨慕，覺得好甜蜜。
譚俊彥早前返內地拍劇，日前才回港出席宣傳活動，他表示離開香港5個多月終於回來，問到仔女是否很開心？他笑言暫時成了搶手貨：「?家有個權利，我變得好搶手，一對仔女不時爭叫Daddy，但知道唔會太耐，個多星期之後就回復正常，暫時仲享受中。」他又稱原本未有這麼快回來，但內地劇組很好，讓他回來替劇集做宣傳，最開心是可以趕到陪女兒今天慶祝7歲生日。問到如何慶祝？Shaun說：「因為囡囡要返學，又有疫情，都只係簡單慶祝，但一陣會陪佢去揀禮物，囡囡已點了菜式，話要食一隻蟹，到時我去街市買餸。」
提到劇中他與人妻Zoie有一場浴室親熱戲，Shaun笑言拍該場戲只感覺好凍：「大家睇到啲煙其實係乾冰，好凍，拍完工作人員即刻拎毛巾畀我包住，（太太有冇捧場收看？）太太都有捧場，佢同Zoie老公都同樣有嚟探班，但唔係為咗沖涼戲而嚟，接另一半收工好正常。」身旁的龔嘉欣就表示相當羨慕Shaun和Zoie的另一半都有來探班，覺得好甜蜜。
趙希洛自覺身材遜母親
Shaun又指這是Zoie產後第一套劇，幾乎場場戲都要鬧人，十分辛苦。Zoie笑言當時不知是否剛生完BB沒有記性，又經常漏低東西，幸好得Shaun體諒，並謂當時正是收水腫階段，故劇中見她會時肥時瘦，望觀眾不要覺得奇怪。對於劇中角色經常要鬧人，Zoie笑言覺得角色好新鮮，亦未見過自己這個樣，覺得鬧人都很爽。問到可有將拍劇情緒帶回家？Zoie坦言有時都會：「但會盡量自己調節好，我又唔會無端端向屋企人發脾氣嘅，佗住BB時候因情緒起伏有鬧老公，但冇劇中咁激。」
嘉欣透露劇中會被Zoie掌摑，但導演嫌不夠大力，拍了好幾次才收貨。Zoie聞言即對她道歉：「Sorry呀！」
陳山聰和趙希洛昨日玩遊戲時就扮咀嘴，山聰大爆希洛今次是有史以來最大膽演出，分別跟他、Shuan及另一位男演員有親熱戲，好幸福。希洛就表示幸好三位對手都是有拍親熱戲的經驗，能夠帶她入戲令她不會太緊張，拍出來的效果更優雅。山聰被問到拍親熱戲時太太可有監場？山聰說：「呢兩星期我盡量叫太太返夜班……只係講笑，太太好信任我，冇嚟探班，加上都識趙希洛，知我當佢係妹妹。」希洛自爆拍攝時被山聰嫌肥：「有場戲講佢抱起我，點知佢話我好重，其實當時已減咗近10磅，每日跑步兼食沙律，但都被嫌重，Shaun見到我食嘢都會話：『妳又食呀？』」山聰笑說：「當抱過姚子羚之後，就會覺得個個都重，李施嬅都唔輕㗎，因為希洛喺劇中有唔少性感演出，所以因此要好好維持身形，佢仲出動好多私伙靚衫。」
希洛表示今次出動自己的私伙衫拍攝外，更連媽咪的靚衫都出動：「着上身之後有啲緊，發覺媽咪條腰瘦過我，上圍豐滿過我，所以要做運動減磅。」
