泳兒帶隊向曾樂彤送上生日驚喜
香港文匯報訊（記者 李思穎）英皇歌手曾樂彤於日前(25日)踏入28歲生日，當日她在工作中渡過，跟同公司的泳兒（Vincy）、艾妮（Elly）及小師弟黎展峯（Andy）到電視台錄製節目，眾人非常有心為壽星女送上驚喜。
為了炮製這場驚喜，他們便躲在服裝間準備蛋糕，Vincy更躲在一格更衣室內點蠟燭，而捧蛋糕的重任便交由小師弟Andy負責，Vincy更千叮萬囑Andy不要把蛋糕跌到地上，搞到Andy戰戰兢兢。正當一切準備就緒，Vincy突然「心虛」問Elly：「你覺得佢（曾樂彤）知唔知呀？我哋全部湧晒喺呢度。」Elly說：「我頭先入咗去攞相機呀，我覺得佢應該會知囉。」Vincy更預備好電話，並建議用最近大熱的「喊喊filter」拍攝：「陣間用呢個同佢唱生日歌。」隨後大伙兒便走向化妝間，Vincy一馬當先衝進化妝間唱生日歌，曾樂彤當場呆住，「點解我都係中招？即係其實今日係唔使嚟拍嘢㗎？」同事回應：「梗係要啦！你唔好諗住切完蛋糕就收工呀。」全場大笑。至於生日願望，曾樂彤謂希望疫情快點過去，大家生活可以重回正軌，希望可以不斷接戲，還有出歌、出碟大豐收。
