貴圈真亂：黃店被鬧服務差 老闆「道歉」賴個客
「食黃店」同「自虐」好多時都只係一線之差，近日有黃絲fb投訴一間居酒屋，話漏單兼受到店員不禮貌對待，結果唔少人都深有共鳴，紛紛留言數臭呢間，鬧佢唔止店員態度差，又試過打錯單，連送外賣都送漏。間居酒屋老闆雖然留言「道歉」，但一時就答話係查過冇漏單，一時又話個店員「應該唔會咁串（寸）咁答」。呢種咁「道歉」，自然引來更多人圍插。有黃絲更一語中的：「去黃店要有受氣準備，少年你太年輕了。」
店員寸寸貢：唔等得可以取消
黃絲「Katy Lo」fb群組「香港黃店關注組」發帖，話佢幫襯過位於大圍黃店「風流居酒屋」好多次，而且經常出帖讚，結果呢，最近佢再去幫襯然後叫個套餐，但食40分鐘個餐壽司同飲品都未到，於是問吓個女店員啦，點知對方就寸寸貢咁話：「壽司係等得耐啲㗎啦，唔等得可以取消！」當事主話要取消時，個女店員就一句：「埋單喺樓下！」「落去樓下，我同個男職員講， 佢係完全冇反應。（我）個（）一刻心裏面充滿粗口，就算貴店喺（係）幾黃都好， 我都唔會再幫襯……」
事主經歷引起其他幫襯過黃絲共鳴。「Jessica Wu」留言話：「呢間我（20）19年幫趁（襯）過一次，受過氣之後到依（?）家都冇去過，原來唔係單一事件。」「Mark Lai」亦話：「呢間真係唔掂，唔止女員工啦，成間（嘅員工）態度都好差……有次坐上面，隔離（籬）位好嘈，問有冇枱可以調，男同事話『你自己上去望下一眼睇晒』，嬲到叫咗一枝（支）啤酒後即刻走咗，已經永久blacklist。」
「Elaine Ho」就鬧間白鴿眼：「去過一次，食到一肚氣，冇回頭。想落單眼尾都唔望你就話等陣，後面來的一對男女就熱情款待，原來人家是熟客只叫貴價野（）。完全明白這『黃店』的生意宗旨。」「Fenix Lai」提到：「有次坐三樓，叫1杯清酒最尾佢喺張單度打咗11杯，好彩畀錢嗰陣有check單。」
「Maine Chan」更數多間一宗罪：「嗌過幾次foodpanda，等成個鐘先有得食，仲要次次都有野（）漏，嗌3個餐送得2（兩）個餐，嗌壽司配烏冬，成個烏冬都無俾（畀），嗌牛舌飯，d（）飯少到俾人食咗一半咁！」
老闆包庇女店員被圍插
「風流居酒屋」負責人個帖下留言，口中雖然話「道歉」，但就話事主上載張單無落到壽司，質疑係個客用app落單時冇按確認所以事實係冇落到單。「Katy Lo」即刻反駁：「冇按確認制（掣）的話， 咁個套餐其他食物應該唔會嚟。」
其後，「風流居酒屋」負責人又話佢有問過俾人投訴個女店員，「佢就應該唔會咁串（寸）咁答」喎。「Oscar So」質問佢：「你即是話樓主講大話？ 你自己數下呢個post有幾多人俾你啲夥計激過？ 包括埋我。」「CaLvin Lui」亦話：「咁多人都表示受過佢員工氣，佢都可以話應該唔會咁既（），真係唔駛（使）有下次。」
見大家鬧得不可開交，「Chan CW」就試圖出「勸交」：「香港人要團結，如果單一事件，處理完就算啦，……」「Hoi Tan Cheung」即刻反駁：「比（俾）人×都要忍，呀（阿）嬸我諗黃店喂（餵）你食屎你都會食！」「Yo Yo Cheung」狠批：「有時候啲黃店點解越（愈）黎（）越（愈）垃圾，多得啲大愛L不斷縱容。」「Jay Leong」直言：帶（戴）住黃店光環就係咁架（）啦，成日都情感勒索，以為一定有人撐，講句告急啲人仆到去。」 ●香港文匯報記者 陳川
