擔任張敬軒演唱會嘉賓 黎明祝願打工仔加薪
香港文匯報訊 轉眼間張敬軒（軒仔）演唱會來到第八場。昨日於紅館開下午三點場，但無損大家睇騷氣氛，還請來黎明（Leon）出場，紅館又再一次「核爆」。
介紹Leon出場之前，軒仔表示，有同事給了一個外面猜的嘉賓list他看，他說：「咁易估就唔好玩啦。以下呢個嘉賓，我每次見佢都有好fresh（清新）感覺。佢不斷inspire（鼓舞）成個香港樂壇，培育新人，做好多創新的東西。」
然後現場響起《眼睛想旅行》音樂，全場即為之瘋狂，核爆歡呼四起，Leon特別戴着一個happy new year眼鏡，升出來跟軒仔合唱，又唱又跳之後，更把眼鏡拋出去送給現場觀眾。唱畢，金句王黎明又爆金句：「新一年見到老黎，夠晒『老黎』啦！仲要眼睛想旅行！希望大家快啲去到旅行啦。各位打工仔，就要更受尊重，加人工。」然後又好客氣咁同軒仔再講：「多謝你畀機會我合唱，之前我哋又合作咗首歌啦，點解要揀你，其實係我鍾意咗你好耐。」逗得觀眾大笑。
