【圈中人語】得力寶駒勝利在望
今晚谷草安排九場賽事，以最窄C加三欄C加六彎跑道作賽，頭場提前至下午六時四十五分開跑，今晚未有設立盃賽場合。練馬師方面，羅富全、蔡約翰及沈集成都派出不少惡馬列陣，不妨優先留意。騎師方面，雷神、巴度及蔡明紹都手執多隻實力馬，可作為扶手棍看待。
第一場、第五班、一六五○米。「白鷺盛世」近兩仗出戰窄場一哩，前仗走二疊跟慢步速只負於賺步速的「綠續爆發」一乘許；上仗臨場易配賀銘年，惟騎者早段刻意跟前走，結果入直路欠了加速力只跑第四，似乎敗在騎者用錯戰術，論狀態已在勇點；今次捲土重來如發揮正常，半冷值得一試。
第二場、第四班、一○○○米。「過河勁卒」上季於谷草一千取得三場頭馬，跑法靈活可放可留；今季已七戰，當中在此程共獲一季一殿。以今賽有不少子彈快馬前領鬥搶，對於牠本身的爭勝機會大大增加，如果鞍上人在入彎之前找到遮檔，就會非常好跑，未段可憑後勁制敵勝出季內首W。
第三場、第四班、一二○○米。「有主意」羅富全馬房三歲仔年富力強，前仗初戰谷草千二拚入亞軍，只不敵「創科先鋒」個半身位，結果上次碰頭復仇成功兼有近六倍分頭；今回繼續對準勝途，羅廄質新馬一貫好開就好，有望再建一功。
第四場、第三班、二二○○米。「威闖」季內六戰，跑至上仗於四班谷草二千二輕鬆取勝，此役排二檔全程守好位，轉入直路潘頓兜出中疊一騎即掟甩對手贏馬，勝後加七分今仗升上三班，只孭一一八磅輕磅，配合其主動型跑法甚有利，有條件再贏扶搖直上。
第五場、第四班、一六五○米。「焱焱元帥」今季四戰，第二仗由巴度發揮惹爭議，直路頭二百米收起馬鞭，末段拍兩吓卻反應甚強，走勢點到即止跑第五；前仗初次增程谷草一哩兼跑道不利追，末段走勢不俗跑第三；上場騎師賽抽到連達文執韁，早段力留下姍姍來遲跑第四，今次打王牌決心拚出頭。
第六場、第四班、一二○○米。「得力寶駒」剛仗初爭谷草一千跑季軍，雖然入直路後於當日內疊較佳場地衝刺賺形勢，但造出全場最快末段，於前置馬控制大局下入位屬難能可貴；十一月尾再戰同程，可惜因為賽前撞傷頭部退出，今仗養精蓄銳再打硬仗，交出水準有力叩響勝門。
第七場、第三班、一二○○米。「齊齊友福」五歲仔今季大熟大勇，三戰皆跑入三甲，當中前仗跑第三賽事時間，比當晚另一組一六七場次更快，因此上賽乘勇喺此程打開今季勝門，贏「維港奔流」及「閃耀榮光」，賽事水準得到印證；今次仍留三班，鄭廄可勝籌碼一定盡用冇保留，值得再跟一趟。
第八場、第二班、一○○○米。「暖在你心」前仗久休復出跑三班谷草一千，扳到潘頓操刀排四檔，結果沒令捧場客失望，贏馬過程甚至乎遠比想像輕鬆得多，最耀眼的一幕，是向來前速噴射的「南區寶」，竟然是完全沒能力與之比併一下；上仗轉爭千二，因排外檔切入，鬥到末段乏力只跑第四，今次回師強項一千，可即打翻身仗。
第九場、第三班、一二○○米。「紅衣火旺」四歲仔今季踏入大熟黃金期，上季練者已經替牠專攻窄場短途，其中曾經輸俾「電訊火箭」而入Q，水準一定唔會差；今季跑咗四場，頭兩仗作熱身性質，表現平平無奇，可能同夾硬搶放，跑法違反咗馬性有關，敗績可抹去；到最近兩戰配蔡明紹馬夾人緣立即連下兩城，今次乘兩捷銳勢升三班只孭一一五磅輕飄飄，呢隻老虎有力征服埋三班賽事。
