現場唱劇集主題曲 不滿意效果 張振朗認缺練習 望多些獻唱機會
香港文匯報訊（記者 梁靜儀）張振朗、朱敏瀚、蔡潔、姚子羚、賴慰玲及黃子恆等，昨日到葵芳出席無綫劇集《拳王》結局篇宣傳活動。活動上，張振朗更即場獻唱劇集主題曲《我是王》及片尾曲《勝利在我面前》，但他卻自言因為練習不夠而不滿意表現。為配合劇集在聖誕播映大結局，眾人又一起大唱聖誕歌，不過大家都唱到「甩嘴」。
振朗表示已很久沒有唱Live，這次能獻唱多首歌感到很開心，不過演唱後他卻對自己的表現不滿意，他說：「今日（昨日）係第一次唱片尾曲《勝利在我面前》，我昨晚（前晚）凌晨兩點幾才收到Melody，心諗大鑊，都冇時間同隊Band練歌，一嚟就要唱，仲要前日（大前日）才收到歌詞，（滿唔滿意？）一定唔滿意，我已盡能力去唱，因為首歌係一位馬來西亞粉絲寫，最重要係心意，我好想完成呢件事送畀對方。」
之前曾為主演的劇集《堅離地愛堅離地》唱過主題曲的振朗，笑言上次唱完之後就沒有人再找他唱歌，不知是否因唱得差的關係，問到是否仍想向唱歌方面發展？他說：「咩都可以試吓，但現時最鍾意演戲，希望今日唱完之後有人搵我，片頭、片尾同插曲全部都可以唱，（主動去爭取唱？）隨緣啦。」
談到劇中他與朱敏瀚及蔡潔的一段三角戀，但觀眾卻鍾意他與朱敏瀚這個配搭，並幫他們改名為「海枯石爛」（戲內二人的角色名為海正藍及石子聰），振朗笑說：「我覺得觀眾好鍾意我哋兩個合作，我哋呢3年合作咗3套劇，每一部劇都經歷咗好多，在呢行搵到個夥伴一齊成長、互相扶持係好難得，之前一齊去操gym，一星期操6日，就係嗰時互相鼓勵大家，劇中仲一齊上埋床傾偈，（女朋友楊偲泳可有呷醋？）當然冇啦，我鍾意女人，我哋係堅友情、兄弟情。」
蔡潔為愛情不惜採取主動
朱敏瀚在劇中戀上蔡潔，但蔡潔卻情傾張振朗，問到二人可會修成正果？他卻賣關子不願劇透，又笑言很多人都想他跟振朗一齊。問到他近日可有多了男粉絲？他笑稱不知道，並透露近日想改變形象，因本身膚色白，所以要努力曬燈變黑，但都怕有副作用，為了工作也沒辦法，加上自己也貪靚。
蔡潔在劇中主動向振朗大嗌表白，問到現實生活中她又可會向心儀男生表白？蔡潔笑說：「對愛情我會好主動，鍾意一個人會講，但唔會咁樣表達，啲朋友最近見到我，都問我可唔可以再大嗌一次，拍嗰時好多人在場，自己都好怕醜，但呢個人生經驗好難得，都唔知會唔會再有下次。」
