擔任陳柏宇個唱嘉賓呆等逾一句鐘 黎明爆金句：呢行呃呃氹氹就一世
香港文匯報訊（記者 梁靜儀）陳柏宇（Jason）前晚於紅館舉行一連兩場個唱，首晚並請來黎明（Leon）擔任表演嘉賓，除了Jason的太太符曉薇抱3歲女兒陳羿辰在席上睇騷外，江伊晴和老公蕭唯展、林奕匡及布志綸等圈中好友亦有捧場。
Jason以紅色笠頭神秘裝束登場，並唱出《對得起自己》為個唱揭開序幕，之後熒幕播出他的讀白，以漫畫方式交代童年，並由3歲時因父母離異而入住兒童之家的往事講起。今次演唱會，Jason在海外的親友都未能返港睇騷，但他身在加拿大的外公外婆、母親及舅父，亦有預先拍下片段為Jason打氣。
一口氣唱了十多首歌後，Jason才開口說話。當Jason唱完《想創》後又說：「我成世人未試過咁盡力做一件事，以下個訊息唔單止帶畀你哋，仲畀埋我，最終奮鬥目標無論能唔能夠達成，路途上唔止你一個人，送畀你哋我嘅新歌《有我》。」
在演唱會最後一部分，Jason又感謝樂迷捧場，並感觸說：「上次演唱會是2018年，呢3年有好多轉變，大家經歷咗好多唔同嘅事。究竟幾時可以除口罩睇演唱會？幾時可以坐飛機去外國探家人？呢3年教識我要面對無常，我哋隨時可能要面對失去，要時刻珍惜。做人除咗要對得起自己，仲要對得起你嘅愛人，以及愛你嘅人。係你哋令我珍惜每次上台的機會，係你哋令陳廣偉成為陳柏宇，沒有你，我什麼都不是。」
在安哥環節，Jason與擔任嘉賓的黎明一同驚喜現身，全場尖叫。Leon搞笑稱呼Jason為師兄，又讚Jason顧家，更自爆在後台等了個多小時才出場︰「我喺呢行咁耐，只要我早到，運氣就唔好，我今晚原定9時半出場，我8時50分已到咗，但家已經係10時20分，唔緊要，唔關你事，你表演緊邊關你事。」
Jason即刻向Leon道歉，有金句王之稱的Leon就大爆金句說︰「今晚原本諗住唱《越夜越有機》，點知變成《越夜越眼瞓》，不過唔緊要，呢行就係咁樣呃呃氹氹就一世，講老實說話嘅係朋友，呃你嗰啲就係摯友。」他繼續說：「本來想叫佢努力、加油，但唔使啦，Jason已經好好，係一個好好歌手。」接着二人便合唱了《越夜越有機》，掀起了全晚的高潮。Jason之後還未夠喉，再連唱多首歌後，演唱會才圓滿結束。
