張振朗黃子恆開直播齊認易喊
香港文匯報訊（記者 梁靜儀）無綫台慶劇《拳王》監製陳耀全（Andy），前晚率領劇中的演員張振朗及黃子恆開Live（直播），與觀眾互動之餘，並送出二人親筆簽名的《拳王》口罩套。
Andy笑指是次是決心將振朗與子恆來個性格大兜亂，以帶給觀眾新鮮感，但振朗就笑指有難度：「因為個角色好嚴肅，又多內心戲，仲要打好多份工！對我嚟講真係演得唔算得心應手。我嗰時真係拍到個人都唔同咗，變得唔鍾意講嘢同埋好鍾意諗嘢。」Andy並坦言知道對振朗來說很高難度，而振朗今次像一個只能出拳、但不能用腳、踭、膝應戰的拳手，他很感激振朗這麼努力！
至於由嚴肅變活潑的子恆，則笑指在角色感染下，加上劇入面拳館所有人都好似一家人，拍得好開心，私底下亦變得開朗。
二人又坦承是喊包，子恆指最近一次爆喊，是因為聽到劇集其中一首配樂，然後滿腦子都是海正藍（張振朗飾）的畫面，及拍攝時的所有畫面。振朗則坦言無論是見到羅蘭姐（劇中嫲嫲），抑或做訪問談及拍攝感受時，都定必感觸落淚。
Andy聞言再玩踢爆謂：「係呀！佢好易喊㗎！好記得第一次同佢合作《師父明白了！》，佢話想睇返自己死嗰場戲，我咪畀佢睇咯，點知佢一睇就喊到豬頭咁，嚇親我呀！振朗仲係劇中NG最多嘅演員。」
