【本報消息】金教堂退役轉種馬
今年古摩亞陣營三歲新星「金教堂」與高多芬三歲佳駟「雅大爺」各自大放異彩，前駒攻下法國打吡同埋日蝕大賽，「雅大爺」就勇奪葉森打吡同埋英皇錦標，依家雙雙評127分成為全球評分最高馬匹，唔少馬迷都期待呢兩匹三歲精英可以一決高下。不過，呢個夢幻對決肯定唔會出現，古摩亞陣營宣布，決定讓早前受傷令操練斷斷續續嘅「金教堂」退役，轉任種馬行列。「金教堂」九戰取得六冠一亞一季，兼且連贏五場一級賽，成績甚佳，練馬師岳伯仁更認為此駒係佢古摩亞陣營歷來最佳賽駒，事關馬匹擁有外祖父「天文學家」嘅決心同埋其父「先勇名駒」嘅速度，佢亦預計「金教堂」可成為繼「天文學家」後另一匹非常成功嘅種馬。
英國馬壇大家姐杜希利，早前取得從騎以來個人第九百場頭馬，現年三十八歲嘅杜希利，早年喺呢項被視為男性運動打拚發展，機會難與近年鋒芒畢露小師妹杜苑欣相提並論，多年默默耕耗下，一再證明自己能力，08年已成為首位一季贏過百場頭馬女騎師，其後11年摘下七月盃及楠索普錦標兩項一級賽，歷史性十四次出席英國識價盃，更於18年及19年連續兩年成為最佳成績騎師，成功衛冕銀鞍獎，騎者亦坦言策騎事業步入新里程，積極再向個人第一千場目標進發。
夏威夷試閘有起色
香港贏一場馬，天時地利人和缺一不可，大家也見識過就算做到足谷起晒狀態，但突然大利擺前，很多馬已失諸交臂飲恨而回，一場馬無論五班或一班，終究也不是易贏。再者，手執一批好馬，練馬師只順住做就贏到了，因為馬本身夠叻，那叫事半功倍，低班馬卻相對多奇難雜症，有時更考練馬師工夫，現時達標與否準則卻套在頭馬「等級」而非「數量」上，突然改遊戲規則，五班頭馬只計二場，那場計、那場不計，是否公平？平實馬主也可養匹中下價馬志在過馬主癮，一場半場頭馬都開心了。百貨應百客，有時不要趕得太盡。
蔡約翰馬房的「夏威夷」上周二在沙田進行試閘，跑慣草地的「夏威夷」試泥閘表現有待改善，在十匹賽駒中僅以第八名衝線。抽到第十檔的「夏威夷」在第一組千二米試閘登場，由好拍檔莫雷拉執韁，出閘後本來佔得前列位置，但不久已落後放頭馬一段距離，早段同中段一直居尾，最後直路二百米一度進佔第五名，但在後勁不繼的情況下，被「紅運大師」、「歡欣福星」及「錶之銳」趕過，只能以第八名衝線。
