撞樣《魷魚遊戲》李政宰 譚俊彥介意被叫「456」
香港文匯報訊（記者 梁靜儀）譚俊彥（Shaun）與陳煒（煒哥），昨日為節目《教煮爭霸》擔任嘉賓及進行錄影。
近日Shaun因樣子與人氣韓劇《魷魚遊戲》男主角李政宰撞樣而成為熱話，就連煒哥亦覺得兩人真的很似樣。Shaun笑說：「覺得有少少幸運，有個網絡熱話，好認真講李政宰係我好尊重嘅演員，好耐之前睇過佢拍嘅劇集，佢係我其中一個學習對象，因為佢塑造角色非常好。」
他又稱有很多朋友都指他似李政宰，但他卻不想叨對方光：「有時朋友叫我『456』（李政宰劇中的參賽編號），有時都有啲尷尬，又唔可以唔睬人，但部戲真係唔係我拍，我都要尊重返嗰位演員，唔好好似一路抽人哋水咁，如果大家真係覺得過癮，就睇我套台慶劇《換命真相》，今次係個好好開始，帶大家去睇呢套劇。」
節目中Shaun與煒哥會大展廚藝，Shaun表示自己每日都會下廚，而老婆都讚他煮的食物好食，今次會煮蟹餅及大頭蝦柚子沙律。煒哥表示會煮男友最喜歡吃的焗釀蟹蓋，她指男友喜歡吃海鮮，認為菜式只要花心思都可以千變萬化，食的人都會開心。Shaun指他認識的朋友，試過煒哥的手勢後都「舐舐脷」。
