【貴圈真亂】黃店又被爆難食 黃民掩耳盜鈴
又有黃店被所謂黃人出post鬧難食。網民「Po Cheung」日前喺facebook群組「中伏飲食報料區」圖文並茂咁呻有黃店啲嘢好難食，性價比極低，形容牛柳粒「咸（鹹）到入骨」、奶茶「淡淡似是流水」。雖然已經係第N次有人話黃店難食，但有黃絲依然想掩耳盜鈴，覺得唔提就冇事，唔鬧黃店不特止，仲鬧爆個受苦帖主，但亦有網民睇唔過眼話︰「黃店我都係比（畀）錢食架（㗎）！我嚟乞咩！」
網民「Po Cheung」日前喺facebook群組「中伏飲食報料區」話，位於新蒲崗嘅黃店「友利坊」啲嘢好難食，牛柳粒「硬到不得了」兼「咸（鹹）到入骨」、價值160蚊嘅乳豬「肉少而骨多」、奶茶「淡淡似是流水……可能有半杯冰」、白飯「好似半生熟咁……食出齋糙米嘅味道」。
作為食客，光顧餐廳理應最睇重食物質素，但有黃絲就唔係咁諗。「黃惠冰」直接鬧爆：「徙（嘥）×氣，大×把好食嘅黃店咪一樣執咗，咁×鍾意藍店就冇（唔好）×扮嘢啦！」「Willie Leung」嘗試幫間黃店兜︰「牛肉吾（唔）落d（啲）粉都好難冧（腍）囉，……起碼佢是比（畀）真牛肉先。」
一啲思維正常嘅網民就另有話說，好似「EK TY Yuen」就表示：「我都試過出post評黃店，仲比（俾）佢cap返我轉頭話我，個（嗰）間野（嘢），我永世black list（黑名單）！黃店我都係比（畀）錢食架（㗎）！我嚟乞咩！」
「Gary Siu」就話：「其實真係冇乜黃唔黃，一買一賣，我哋唔係做慈善！」不過黃店難食周街都知，仲有人爭住去被搵笨，大家都幫佢哋唔落啦。●香港文匯報記者 藍松山
