李克勤新歌玩復古 上架三日點播破億
李克勤跟以抖音名曲《大風吹》而爆紅的內地新潮音樂人王赫野合作，推出充滿八九十年代香港曲風的廣東作品《秒針》，大玩復古情懷。歌曲上架短短數日，在播放平台已達破億的播放率。
早前，李克勤受邀成為新一季《中國好聲音2021》導師，雖然是新加盟導師，但憑着幽默風趣的魅力及赤誠態度，除了贏得一眾學員愛戴，同時亦深受觀眾及網民的歡迎，人氣強勁。除了專注指導學員，近日克勤又跟以抖音名曲《大風吹》而爆紅的內地新潮音樂人王赫野合作，推出充滿八九十年代香港曲風的廣東作品《秒針》，大玩復古情懷。
《秒針》意在打破聽眾對於常規廣東歌曲的印象，帶來耳目一新的感覺。兩個時代的音樂碰撞，除了對復古情懷致敬，也有對當下語境的交融。克勤坦言這個嘗試是要突破自己：「李克勤係一個乜嘢都想嘗試嘅歌手，想嘗試新嘅嘢、亦都想嘗試唔同嘅製作班底、唔同嘅合作夥伴，李克勤唔係一定要一貫用開嘅製作班底、曲式或者做法先至得。」
放下香港歌手包袱多嘗試
向來對自己歌曲參與度甚高的克勤，這次則放手不管：「今次冇出過半點、任何意見，完全係將李克勤配合佢哋個做法，因為我想做一次係比較貼地嘅做法。所以要先放低香港歌手做國語歌嘅包袱，而去做一首這類型嘅歌。」
跟王赫野的聯乘，一眾網民紛紛表示驚喜，克勤笑說這個合作是「天方夜譚」：「同王赫野係第一次合作，我諗我哋喺年齡同資歷方面，差唔多係最遙遠嘅合作。因為我入咗行30幾年，佢只係3個幾月，哈哈，係一個完全天方夜譚式嘅合作。但我覺得既然大家碰到係一個緣分，就唔好諗咁多，嚟啦！」
除此之外，歌曲上架短短數日，在播放平台已達破億的播放率，認真厲害，克勤直言找對了曲風：「歌曲上架後好短時間，就已超過咗一億次嘅播放次數，呢個係一個極速快嘅結果。同埋亦都證明呢一類有少少洗腦式嘅曲風喺一啲手提電話短視頻裏面係好啱數去用，呢個亦都係我哋有呢一個合作嘅主要原因。音樂係應該有無限可能，本住呢個精神去做，乜都試吓。」
