市民樂意配合：有回贈又方便
Miss Milla：
我梗係支持廢料回收再造啦，可以盡量減少對環境嘅影響，保護地球。我住喺（維園）附近，有膠樽就會儲起再攞過嚟（入樽機），有幾多回贈都唔緊要，都唔係為咗錢，其實大家都應該咁做。
劉小姐：將啲可以回收嘅物料就咁丟入垃圾桶，實在太過浪費，保護環境人人有責嘛，而且仲有「綠綠賞」可以儲積分，換吓日用品同禮物，何樂而不為呢！
Miss Hays：我喺香港住咗3年，覺得香港愈來愈重視環保回收，仲有啲環境咁好咁乾淨嘅地方收集廢料。我又唔覺得回收前要自己先洗淨同處理啲廢料麻煩，都好快搞掂。
謝小姐：部入樽機放喺維園呢個樓底位似乎唔係太顯眼，放出啲效果會更好。如果有膠樽我都會做回收，一毫子回贈都合理嘅，如果多（回贈）咪又係羊毛出在羊身上，會喺飲品價錢度反映返。
●圖、文：香港文匯報記者
