陳逸璇拍唱片封套惹蟻咬
香港文匯報訊（記者 李思穎）陳逸璇（Jolie）近日接受主播許文軒（Edmond）訪問，大談相隔15年再推出唱片感受。Jolie透露有段時間做金融工作，所以少了唱歌，但發覺開心度大減，覺得沒必要放棄唱歌，就算不在幕前唱，也可以自己鑽研，所以便去Jazz Bar跟不同的音樂人Jam歌。沒料到在無心插柳下，她多了演出機會，還自組Jazz Band、寫歌及參加比賽。
她謂：「家就好似經歷過由頭做起，學識晒啲嘢再返娘家（環球唱片）重新出發。今次翻唱專輯，自己都放了好多Jazz元素入去。」
談到拍攝唱片封套趣事，Jolie說：「啲相好似好靚咁，瞓喺草地好享受，但其實地下有好多蟻，仲要爬上身同咬我。搞到好痕，有一下真係接受唔到，爬到雙腳內側，我成個人彈起，真係好驚，雖然係咁但係值得，因為出嚟效果好滿意同好靚。」
提到愛情方面，Jolie說：「暫時想專注音樂，發覺家好多藝人、歌手結婚生仔後，形象更加好，所以我唔會刻意取捨，希望兩樣都可以有！（曾經試過婚姻失敗導致抗拒拍拖？）又唔會抗拒，但係會小心處理，以前愛情大過天，但家最重要係搵到一個可以相處到嘅人，而且要互相尊重，畀大家空間，控制狂就唔好啦。」
