陳柏宇學唱歌戒壞習慣
香港文匯報訊（記者 文芬）陳柏宇（Jason）日前接受主播許文軒專訪，大談推出新碟感受。Jason直言新碟題材及概念受疫情而有所影響，他說：「今次同團隊度得深入咗，仔細咗，參與度高咗。疫情令自己有多咗時間諗嘢，諗下自己嘅事業，音樂想表達乜，呢行可以達到乜嘢目的。成個出發點唔係為咗得唔得，大眾接唔接受，而係想做到最好，點樣做到有咁完美得咁完美，所以用咗1年多作5首歌。」
談到近年學唱歌，Jason說：「學唱歌係漫長嘅過程，係將自己聲音嘅能力攞到最盡！學唱歌唔係用嘅新方法去唱，而係希望刪減一啲壞習慣。我早知自己唔係好唱得，我唔係天生嘅表演者，演出對我嚟講係困難嘅事，因為面對群眾做一啲我唔係好有信心嘅嘢，我會有壓力，而呢啲唔係好有信心嘅嘢正正就係我嘅職業。就更加大壓力，因為會影響我嘅工作壽命，家我對唱歌有一個全新嘅睇法！」
另外，陳柏宇亦於前日（20日）適逢38歲生日大日子上JOOX吹水台接受一眾粉絲們的祝福，其間更大方向粉絲們展示自己新居布置及分享育兒之道，女兒Abi 更為Jason即場送上birthday kiss，場面十分溫馨。
