張敬軒任黎明騷嘉賓 「早餐論」搬上台
香港文匯報訊（記者 李思穎）黎明（Leon）紅館演唱會前晚進入第八場，當晚邀得張敬軒擔任嘉賓，二人可說是「早餐界」的代表人物，Leon有「唔可以空肚食早餐」經典金句，而軒仔因為經常分享家傭的獨特廚藝而成為「早餐界KOL」，所以他們話題也離不開「早餐論」。
Leon表示自己媽媽是北方人，爸爸是南方人，而軒仔剛好調轉，軒仔笑說：「我哋都係南北方嘅混血兒。」然後他又以其家傭的「劣食早餐」作話題對Leon說：「你就唔可以空肚食早餐，而我就食完早餐都空肚！」Leon問點解？軒仔說：「屋企請咗個十分優秀嘅家務助理⋯⋯」Leon恍然大悟。軒仔續說：「所以我哋上次食飯嘅時候，我咪食好多，食咗兩份。」Leon感嘆：「有時真係可以練到EQ！」全場爆笑。講完食早餐，軒仔手舞足蹈地說：「今日真係好開心，我真係無諗過可以企喺黎明嘅舞台！好神奇，只要前奏一響起，就好似坐上時光機，返到去最開心最快樂嘅時代，好多謝你今次開演唱會，令到我哋可以喺呢個美好回憶當中嚐到一點甜，好重要。」
親身接觸讚體貼
軒仔自認是Leon忠粉：「以前有前輩同我講，如果遇到崇拜嘅藝人要保持距離，保持幻想空間。直至我同Leon近年食過一餐飯，之後才開始有聯絡。終於印證到，我2002年入行，行內每當有人提到黎明，大家都會話『佢真係好好人』。的確，Leon係我遇過、相處過嘅前輩最體貼嘅人。」他又笑言：「我一直稱呼佢黎生，但佢叫我嗌佢Leon，我心諗，一嗌Leon就想叫自己做阿May，我覺得今晚係好夢幻嘅一晚。」
因疫情下沒有握手環節，軒仔特意選了一首可以跟歌迷互動的歌曲，又指能跟Leon合唱這首經典歌曲可說「圓夢」，當奏起《我的親愛》時，全場歡呼，軒仔問觀眾：「各位阿May準備好未？」全場立即站起來，一邊大合唱「Sayonara o Sayonara o」，一邊齊齊跳舞做手勢，氣氛澎湃。
