監製新片反應佳 林家棟考慮拍續集
香港文匯報訊（記者 梁靜儀）林家棟昨日現身書展撐好友場，滿臉倦容兼聲沙的他，表示因近日正拍攝鄭保瑞新戲，故特意請假來出席好友新書分享會。
家棟表示已拍了3日通宵戲，3日只睡了10個鐘，他說：「我前日開朝早9點至翌日朝早5點，昨日請咗1日假嚟，所以導演用到盡！」問到家棟新戲戲名及演什麼角色？他都封口不講，笑言簽了保密協議。
家棟在分享會上分享了自己兒時讀書點滴，他指自己讀書唔叻，出來工作後更體會到書到用時方恨少，並自爆小學時因數學考試試過合格但分數不高，被爸爸用木棍打，之後他就開始鬥氣唔讀書。問到爸爸是否好嬲？他苦笑說：「嬲乜鬼，跟住就離咗婚，冇仇報，我又掛住玩，諗返轉頭都有一刻後悔，家要畀心機做嘢彌補，又會買好多書睇， 同勸人要多讀書，係『入場券』嚟嘛。」
他監製的新片《殺出個黃昏》近日上映，票房已收逾百萬， 他表示會將喜訊告知有份演出的馮寶寶及謝賢（四哥），不過四哥每次收到好消息都會問他有沒有換票證？記者問到會否開第2部續集？家棟說：「當然希望原班人馬再開，因為睇過戲嘅人都覺得片中演員嘅喜感好又有默契，但劇本要再度。」
