【資料速遞】宇宙經典縮程爆得
香港賽事中短途為主，氣袋馬英雄無用武之地，馬主買馬自然都唔傾向長途，「宇宙經典」來港時隸屬希斯，由於試閘冇速度，細細隻身短步短，所以在港初出安排跑谷草一六五○米，結果包尾，未幾更轉投蘇偉賢，今次跑番千二米估計合適得多，點解出講？係與馬主宇宙會所團體有關，宇宙會所團體有相當歷史，早四十年前有隻「太陽神」擺張學文馬房贏過幾場，「宇宙經典」呢個名亦都另有故事。「宇宙經典」周歲由「經典」系馬主李逢樂買入，咁伍熀要搵馬，李逢樂自己又多貨，就將呢隻割愛，伍熀為尊重老友，又想保留番「宇宙」字頭，於是簡單就咁取材，贏到的話都可以共享喜悅！
