熱點民意
預算案只可給65分
張先生（服務業）：今年經濟唔好，原本對「派糖」冇期望，但竟然有消費券，實際上等同派錢，我覺得預算案值65分。
老人家習慣用現金
林伯伯（退休）：今年「生果金」雖然冇「雙糧」，但仍有額外半個月，有得派已經好好。不過，如果電子消費券可以直接派錢取代會更好，我仍然習慣用現金，老人家唔識用新科技，我部手提電話仲未係智能電話。
主要會買生活用品
楊女士（家庭主婦）：冇諗過今年都有錢派，我會畀80分新一份預算案，我哋一家三口，每人有5,000蚊電子消費券，加埋1,000蚊電費補貼，總共有1.6萬，筆錢主要都係用嚟買返啲日常生活用品，可能會出街食多餐飯。
消費券似迫人使錢
張先生（清潔）：我應該可以拎盡退稅額，加埋差餉寬免、電費補貼，同消費券，應該可以慳返兩萬蚊，幅度比預期多，新一份預算案值80分，但如果政府可以直接派錢會更好，派消費券好似迫人使錢。
●圖/文：香港文匯報記者 文森
