街談網議：「黃店」貴價又難食 「黃絲」貼錢買難受
「黃店難食」係經過反覆驗證嘅真理，奈何「黃絲」總係食完又呻、呻完又食，簡直係貼錢買難受嘅典範。網民「Chi Chan」近日喺facebook開post，怒貼喺「黃店」「灣仔新景園咖喱小廚」叫嘅咖喱豬扒飯，除咗難食，埋單更盛惠102蚊，難怪網民都話掠水先係「黃店」嘅「看家本領」。
就咁睇「Chi Chan」貼嘅圖片，呢碟咖喱豬扒飯同一般茶餐廳賣嘅冇乜分別，但佢就將個味道形容得好傳神：「咖喱汁得個死辣，完全無（冇）香味同其他味道，豬扒大大件但咬落去淋（腍）既（嘅）凍既（嘅）……果舊（嗰嚿）薯仔中間仲要唔熟實心既（嘅），奶茶唔香唔滑，跌102（蚊）算，一定無下次！」
「Yip Sagat」都嚟分享中伏經歷：「幾年前係（喺）灣仔返工，食晏食過一次。食完一次伏到hihi，仲要唔平。沒下次la（啦）。」「Chi Chan」就回覆：「85蚊去西灣河某秘店可以食到兩碟咖喱蛋包飯連凍飲。」「April Man」就揶揄：「你哋唔識叫，佢哋照（招）牌菜叫『掠水魚』。」
■香港文匯報記者 雨航
