【網議政事】訟黨區員遊英 懶理麗晶爆疫
本港新冠疫情近排愈趨嚴重，九龍灣麗晶花園第六座D室疫情大爆發，居民須撤離檢疫。喺呢個居民最需要幫手嘅時候，當區公民黨區議員畢東尼竟然走咗去英國同家人團聚，而原本應該落手落腳做嘅地區工作就變成線上出post，仲要標榜自己「時刻留意著（着）本區情況，不敢鬆懈」，又好心叫大家「繼續帶（戴）口罩，勤洗手，做好個人衞生」。
對此，「政治大嬸判」揶揄道：「九龍灣麗晶花園嘅居民，當你哋棟樓疫情大爆發搞到要撤離檢疫，可能你會問：『我哋個區議員去咗邊，大狀黨畢東尼點解唔見人？』答案响（響）度：嗱，佢唔係無做嘢呀，佢有出 post『希望大家做好個人衞生』（即係叫 大家好自為之咁解）。」
「議會監察」都出post揶揄「唔通佢『公務』考察緊英國食肆嘅防疫工作？」網民「Kelvin Chan」不滿「呢個時候仲去到旅行。」「Henry So」都話「居民有事就失蹤！」「Patrick Law」直言「仲去英國唔戴口罩，呢世都唔好返黎（嚟）呀！」「Kitty White」話：「打份咁好賺嘅工，梗係可以風流快活啦。」「Wan Chi-tak」「黃屍區議員典範，最緊要有糧支，洗X做！」「Fai Chun Yuen」感嘆「自己選班X亍（街）出來，以為会（會）攪（攬）炒政府，誰不知係攪（攬）炒自己。」 ■香港文匯報記者 鄭治祖
