【一矢中的】成之寶閃電俠贏得
第五場「追風驥足」上場配雷神立即贏馬開齋，賽後加六分阻力不大，再戰勝途有望連捷。「勁力威龍」上場力拚只得第二名未竟全功，潘頓再騎決心贏番場交代。
第六場「超威星」今季初出跑第四因為賽前曾停課，落敗賽績情有可原，論馬處身四班只屬過客身分，潘頓再騎矢志收復失地。「戰鬥英雄」季內出四場全部上名，四歲馬今季完全適應水土兼改善慢閘毛病，未贏馬前肯定不會罷休。
第七場「喜蓮慧星」上次閘前鬧情緒，沿途跟前斷唔晒，證明目前評分有力講惡，熱身後轉來谷草上陣隨時一步到位，最佳冷品。「勤德兼備」前仗季內初出田草跑第四，上場谷草嚴重勒避包尾不足為據，今次重返三班上陣形勢由弱變強，谷草一哩Ａ欄專家隨時由蟲變龍。
第八場「成之寶」澳洲八戰獲兩冠一亞一季，曾贏一千及千二米，血統屬正宗短途馬，跑法喜以前置戰略制勝，上場在港初出閃閃身跑近，汲取經驗之下再來可介入戰團，有分頭更不容錯過。「文明之星」在澳洲兩歲初出落第之後，轉三歲之後復出四戰獲三冠一亞，全部出自千二米途程，來港後試閘一再勝出，埋門進度與日俱進，做足工夫而來可飲頭啖湯。
第九場「閃電俠」上季因左前足淺趾屈肌腱受傷休戰多時，今季復出兩戰獲一季一殿，今次轉來谷草上陣贏盡卡士，健康回穩應可扶搖直上。「悅跑得」前仗易廄初出跑第二名，上場早段留得太後以致姍姍來遲，今次渡江上陣惡氣十足，屆時留放拿準些少有力左右大局。
第十場「寶成智勝」上季三歲出道為姚本輝貢獻四W獲選為最佳新馬之餘，成為他登上冠軍寶座的一大功臣，馬匹今季踏入四歲，身形更見成長，季內兩戰田草千二米獲亞季軍，今次轉來谷草避開沙田強手，幕後肯定計過度過。「勝利威龍」上場季內初出谷草一千米捧成兩倍大熱，路短之下只跑梗頸四，今次立即加程跑回勝途千二米，銳意收復失地。
