【網議政事】陳諾恒退出訟黨 網民多留言恭喜
攬炒派立法會議員唔留又留鬼咁肉酸，繼前立法會議員陳淑莊辭職兼退出公民黨（訟黨）保平安後，沙田區議員陳諾恒噚日都喺facebook發文宣布退黨，日後會以「沙田區政」身份繼續服務市民喎。面對黨員日漸凋零，訟黨的黨運真係差唔多了。
回復自由身嘅陳諾恒噚日喺fb宣布退黨一事，仲真攬炒咁同傳媒話退黨係因為覺得繼續留喺立法會，就可以「守住議會戰線」，反而覺得會任人魚肉喎。
其實陳諾恒都唔係第一次退黨。佢2017年嘅時候退出民主黨，同訟黨亦都係分手收場，唔怪得佢喺fb度都話「睇嚟入黨真係唔啱我」。
陳諾恒宣布退黨亦獲得大批網民支持，「Patrick Chui」就話：「做得好。」「大表姐」更話：「明智之舉。」「Clausia Tam」更講到：「明智的決定，會繼續支持你。」睇嚟訟黨喺佢哋自己友嘅陣營真係唔多受歡迎。
沙田區議員、「沙田區政」趙柱幫亦講盡風涼話：「退會（黨）恭喜的說話仲多過婉（惋）惜，證明退得岩（啱）。」
陳淑莊上月尾退黨走人，深水埗區議會副主席伍月蘭亦喺今年7月尾宣布退黨，睇嚟佢哋真係走得快，好世界。唔知訟黨點算呢？ ■香港文匯報記者 葉汶濬
