睇通睇透：巴度輕秤不愁寂寞
馬伕榮
法國騎師曾在香港馬圈相當吃香，好似巫斯義、李格力、冼毅力、杜利萊等在港都留下不少輝煌印記。新季法國勢力捲土重來，兩位後起之秀賀銘年及巴度均獲發全季公司騎師牌照，尤其是巴度好有機會大放異彩。這位30歲法國好手，因為樣子俊朗，贏得法國型男稱號，佢來自賽馬世家，父親Alain曾是一位騎師，而母親巴迪女士是一位練馬師。巴度於2006年在法國展開策騎生涯，2007年榮膺法國冠軍見習騎師，並於2013年夥拍Norse King勝出巴黎市議會大賽，取得其首場分級賽頭馬。2018年8月19日，他於多維爾馬場策騎Nonza攻下一級賽尚羅萬尼錦標初嚐一級賽勝果。
巴度於2016年12月11日首次來港上陣，由於他的騎功出色、硬朗且鬥志良好，在港得到唔少練馬師的支持，於該年12月27日憑沈集成馬房「超有利」贏得在港首場頭馬，三個月內取得7場頭馬，迅速企穩陣腳。之後每個馬季佢都有來香港作短期客串，上季騎四個月累積26W，是他在港客串四季以來贏得最多頭馬的一季，而且與新開倉練馬師韋達合作贏得9場頭馬，包括在告別戰尾場策「聚才」贏馬。
除此之外，高伯新、蔡約翰、沈集成及苗禮德均與巴度有合作贏馬成績，由於巴度本身屬輕秤騎師，可接騎最輕的113磅馬，對其在港搵食非常有利，加上硬淨騎功，絕對有力與一眾前列騎師抗衡。
