香港文匯報訊（記者 梁靜儀）栢天男、林小湛、吳若希（Jinny）與老公何兆鴻（Alex）、余安安、苑瓊丹、郭秀雲及江芷妮等，前晚到圓方出席《毒舌大狀》演藝貴賓特別場。82歲林小湛愈忙愈精神，將會開拍多部電影，而吳若希則表示今年會以事業為重，不會再生BB。

吳若希與老公何兆鴻前晚撇低一對仔女拍拖睇戲，她笑指因為是老公37歲生日正日，要帶對方出來見世面，還有最重要是免費：「老公新年前已經好想睇呢套戲，由過年講到今日，終於可以實現佢嘅生日願望。」Jinny指因小朋友證件問題，故新年留在香港度過，老爺奶奶亦有來港一起過年，她亦一如往年返了鄉下福建過年，而年初三到了澳門工作，為今年開了一個好頭：「好耐冇過澳門，久違嘅一個出埠工作，再去澳門嘅感覺好奇妙，好似所有嘢都變咗，但個氣氛仲喺度。」

問到Jinny兔年是否想生多個？她聞言即拒絕說：「唔好，千祈唔好生多個，我今年一定要好專心工作，因為師傅話我今年工作上係會幾好，同埋係可以發達嘅！」她又透露已收到消息，已落實將會到美國洛杉磯開演唱會，之後就會再到內地舉行巡唱，加上早前拍的劇集又會播出。問到是否因此而暫時不想生小朋友？Jinny笑說：「呢一世都唔想再生，兩個夠晒數，（𠵱家興多產？）Sorry， 我追唔上潮流！」

栢天男 不介意演大反派

栢天男表示近日除了忙於謝票外，亦專誠來捧戲中的「外母」林小湛場，他指今次在小湛姐身上學到了做演員最需要的是有禮貌和品格。提到該片上映10日票房收入已破5,500萬元，成績理想，他大讚劇本寫得好，同時更非常感激香港觀眾支持。他又稱若票房再攀高，開LIVE時會盡量滿足觀眾作答謝。問到會否穿泳褲？他笑說：「呢個好似阿Dee（何啟華），佢話着泳褲，（會唔會騷肌？）開LIVE時有要求的話，到時再睇下，其實開心嘅，10日內去到5,500萬好犀利，而且口碑好好，不過都仲好需要大家支持。」戲中飾演大反派的他，又認為做演員不要理角色好或壞，只要投入去做就好。

小湛姐出席過特別場之後，昨日已飛往加拿大探望家人：「3年冇返去，好掛住佢哋，今次係我個仔同女買機票，會逗留1個月。」小湛姐透露返港後將會拍杜琪峯的新戲，以及接拍兩部內地電影。現年82歲的她，笑言愈忙愈好，反而沒工作就覺得好攰，家人亦好支持她。小湛姐說：「2019年我喺加拿大攞咗最佳女配角，當時我79歲，啲人問我幾時退休，我就話我會一直做戲做到100歲。」