香港文匯報訊（記者 梁靜儀）區瑞強、應智越（細貓）、安俊豪及謝高晉等，昨日於將軍澳電視城為《勁歌金曲》進行錄影，將於下月開騷的細貓，想操到似張家輝完美身形才騷肌，而稍後亦同樣舉行首個個人演唱會的安俊豪，則預告會騷肌。

細貓將於10月底於旺角麥花臣舉行首個個人演唱會，他表示演唱會上除會自彈自唱，又會跳舞，而近日已開始練舞。至於會否騷肌？他說：「希望可以，自己係完美主義者，目標想操到好似《激戰》中的張家輝、彭于晏咁，但𠵱家只係得佢哋兩成。」問到個唱銷情如何？他表示不俗，但相信不會加場，只開一場。至於演唱會可有機關？他說：「因為𠵱家開騷，政府多咗好多限制，想有（機關）都冇。」

另外，安俊豪亦將於11月假九展舉行首個個人演唱會，他笑說：「呢個個人演唱會籌備咗13年，自己作為健身教練，都會盡力騷肌，但唔會剝晒，都會有啲布，因為自己有教跳舞，都會跳少少舞畀大家睇，嘉賓方面會令大家意想不到。」他表示開騷前會拍新歌MV，會有少少裸露。