◆ 劉溫馨角色造型惹人討厭。
◆ 陳豪與張曦雯不少互動對白,是二人對戲時設計及創作出來。

香港文匯報訊(記者 梁靜儀)陳豪與張曦雯在劇集《白色強人II》中飾演過氣情侶,兩人自度打鬧場面,互動輕鬆惹笑又吸睛。

前晚(8日)播出的一集,講述唐明(馬國明飾)為連體嬰進行切割及重建心臟手術,由於是香港首個案例、難度亦甚高,事件惹起高度關注,劇中反派Martin(張達倫飾)及張庭(劉溫馨飾)更希望手術失敗作為打擊YT(郭晉安飾)的籌碼……另一邊廂,由於葉晴(胡定欣飾)的成立藥物研究中心草案摧毀性甚高、兼對YT的全面開放藥物名冊草案有重大威脅,深愛YT的Yan(張曦雯飾)遂決定出手幫男友,更拉攏舊愛Vincent(陳豪飾)一起游說聯網總監支持YT。

Yan及Vincent二人前晚齊齊晒冷自然是焦點場面,他們的互動均惹笑輕鬆。張曦雯透露與陳豪不少互動對白,是二人對戲時設計及創作的,她說:「我哋私下互動都似文信(Vincen)同Yan,陳豪好開得玩笑嘅。如果大家有留意,會見到我劇入面有時會拍吓佢、打吓佢,呢啲劇本冇嘅,係我哋自己玩出嚟嘅。」

至於首演大奸角的劉溫馨,舉手投足及嘴臉均相當惹人討厭,與Martin齊被封兩大「賤精」。為了應付角色的超複雜對白,劉溫馨找來老師苦練廣東話,她說:「今次對白有好多醫療改革等平時唔會講到嘅嘢,所以事前要狂練,喺屋企一路行一路練,練到唔使用個腦諗都可以噏得出為止,都有搵廣東話老師訓練啲咬字。」