大公文匯全媒體報道：移民搵工對黃絲嚟講絕對係一大難事，話說日前有網民於網上發布一則招聘廣告，表示希望聘請香港人任客戶服務員，但就「要識講普通話」，待遇相當不俗，年薪有28000英鎊。一向自視過高、歧視普通話嘅黃絲，見到後都雙眼放光，即跪求見工。有內地網民取笑港人「冇骨氣」揶揄「手足」到英國後竟要靠普通話求職，可謂情何以堪。

該名網友於fb專頁「香港人移民英國，了解平租屋，搵工，生活環境資訊」發帖，表示希望聘請香港人任客戶服務員，強調有冇經驗都會考慮，唯一要求是「要識講普通話」。有關職位於倫敦W5區工作，年薪28,000英鎊（約29萬港元）。帖文隨即引起熱議，至今已有超過30人留言，大多都表示對工作有興趣。無他嘅，不少移英黃絲英文都唔識，又無技術，移民後都變成失業流民，見到筍工仲唔搶住唔放咩。