香港文匯報訊 由歌手王梓軒主持的音樂比拚節目《演鬥聽》成功贏得口碑，獲香港兒童基金會賞識，邀請他開辦音樂創作課程，啟發中、小學生的音樂創作潛能。

梓軒與演鬥band成員鄭嘉嘉和張可永（Byron)來到番禺會所華仁小學，向多位教育界要員及30位校長們示範即興創作，以環保作主題，即興創作一首兩分鐘的歌曲，用音樂宣揚環保的重要性。

當日，梓軒、嘉嘉和Byron以特別嘉賓表演，他們收集現場人士提供的「減碳」、「再重用」作素材，花了5分鐘便成功創作了一首兩分鐘的環保歌。不過外國長大的Byron，因要記着觀眾提交的中文詞，搞到「甩轆甩嘴」，梓軒說：「今次我哋三個帶咗一個小小嘅示範，因為《演鬥聽》入面，即興好重要，咁我哋嚟到小學嘅禮堂同好多教育方面好重要嘅人士分享，一個即興創作會係點㗎呢？最精彩就係會甩轆，哈哈！」Byron尷尬地說：「哈哈！要加啲中文詞落去，自己啲詞就唔記得晒，不過呢個活動好有意義。」

梓軒補充說：「今日好開心，開始認識到唔同學校嘅校長，原來佢哋都有睇過個節目，亦好鼓勵小朋友去創作，我哋演鬥band好多個都好有愛心，都好適合教啲小朋友，希望可以用遊戲去發掘佢哋嘅潛能。」