香港文匯報訊 動作紀錄片《龍虎武師》已於日前（16日）在香港上映，該片由香港動作特技演員公會發起，記錄了中國影史上一個最特別的群體──龍虎武師。這是香港電影行業中一個特別的存在，當年動作片、功夫片盛行之時，需要大量的武師在片中出演小角色來襯托大明星的風采。他們當中更有些人後來成了著名的武術指導和大明星。香港動作特技演員公會會長錢嘉樂近日偕同多位同業現身戲院謝票，感謝影迷對這一班幕後電影人的支持。

錢嘉樂表示：「拍這部紀錄片電影嘅原因係希望多啲人知道，過去咁多年，香港動作電影咁成功，唔係一、二個人可以做到，呢行唔單止有洪金寶、成龍、元彪、甄子丹，仲因為有一班幕後嘅無名英雄喺度默默耕耘，為咗團隊嘅成功而不斷努力，不斷創作，才有今日嘅成績。家係希望香港啲老板、製片人出嚟開番多啲動作電影，留住人才之餘，亦都推動市場、提拔新人，讓經驗和知識可以畀年輕人傳承下去。坦白講，實習機會多咗，人才自然可以培養出嚟，個市場就會再次蓬勃起嚟。」