大公文匯全媒體報道:行政長官林鄭月娥今日(18日)接受傳媒專訪,談及任內最滿意的政策及感受,她直言,「我無乜最滿意嘅政策,我總之每一日我都係做新嘅政策。感受咪就係大起大落囉。」林鄭說,出任特首是她公務生涯內最大的榮譽,也是她人生中最大的挑戰,「用內地官員嘅術語呢……就係話……我挺過咗去喇。依家內地官員成日見到我都話,『特首,你挺過去了』,真係……挺過去了。」

行政長官林鄭月娥(資料圖片)

本港2019年發生黑暴動亂,林鄭月娥不諱言當時「有幾困難你應該知」。她又指,在這一前所未有的嚴峻挑戰下,自己能夠「挺過去」全靠三件事。首先是中央支持,「中央呢番說話就係:我哋永遠都係你嘅堅強後盾,你唔使驚」;第二是她曾應承香港市民,林鄭憶述,2017年7月1日她宣誓就任,致辭曾引述《同舟之情》歌詞,「只要見到我喺你嘅身旁,我一直為你護航……呢個係對市民嘅承諾。我係好信守承諾嘅人。」

另外,林鄭身為兩子之母,家人的支持兼信任當然不可少,「當時2019年下半年咁嘅環境,一般血氣方剛嘅人,佢唔知頭唔知路,佢可能都會懷疑阿媽,你係咪啱㗎……你做啲野。但嗰種係無限嘅信任,同埋默默嘅支持……咁所以呢三大嘅力量,就係撐住我,挺過去喇。」

林鄭強調,對現時的香港充滿信心,「我從來無覺得香港係可以咁好嘅,依家我覺得香港可以係好好嘅。」她又說,希望市民無論對她個人有何看法,但都認為今次這份施政報告可以帶來信心,讓大家覺得香港會越來越好。

責任編輯: 秦湮