香港文匯報訊（記者 李思穎）李幸倪（Gin Lee）近日再度為時裝品牌拍攝新廣告，在酷熱氣溫下與貓咪結緣，走到郊外拍外景，她笑說：「早前因為疫情及天氣過於炎熱，好多工作都變成拍攝廠景，但今次想延續上輯廣告嘅信息，跟住貓咪足跡，發現愛護大自然的重要性，我覺得好有意義而且非常有故事性，所以我絕對唔會介意需要拍外景，加上大會都好貼心，準備多幾件同款衫預備給我替換，非常多謝整個團隊的幫助，今次拍攝先可以咁順利。」

甚有動物緣的Gin Lee與小貓甚為合拍，休息期間小貓躺在她身上睡着，令Gin Lee動彈不得：「可能小貓見我化妝坐喺度唔郁，咁咪跳上嚟休息吓囉，呢個係培養感情嘅方法，當然唔可以趕走佢啦！但係我哋戶外拍攝，其間好多蚊出嚟『搵食』，我怕太大動作會嚇親貓貓，所以被蚊咬到又紅又腫，只要貓咪舒服其實都係十分值得。」

今次拍攝過程都十分溫馨，Gin Lee更為團隊準備清涼飲品，防止中暑。Gin Lee謂：「呢排都忙住錄節目，昨晚都係半夜先收工，不過今次廣告的信息太有意義，加上可以再次同貓貓合作，未正式拍攝已經非常興奮。雖然之前工作受疫情影響，近期已經開始回復正常，開始習慣返開工嘅節奏，下半年會專注音樂工作，希望盡快有新作品推出。」