● 左起:馮盈盈、陳展鵬及林夏薇高興劇集有慶功宴。

香港文匯報訊(記者 梁靜儀)陳展鵬、黃智賢、林夏薇、馮盈盈主演的劇集《逆天奇案》成為「2021年兩線劇集收視冠軍」,前晚於電視城舉行慶功宴,總監製劉家豪亦有偕同太太梅小青出席。

男主角陳展鵬近日忙於為劇集及新歌宣傳的他,希望今年能推出三首歌。問到剛過去的父親節怎樣慶祝?展鵬笑說:「當日啱啱放假,自己去攞位飲茶食飯,嗰日走兩場,同外父同埋自己爸爸食飯慶祝。」問到女兒「小豬比」可有送禮物給他?展鵬指女兒還小未識,但好乖為他按摩,早上起床又乖乖地遞上拖鞋給他,這已是最好的父親節禮物。

林夏薇出席慶功宴時表示:「收視好值得高興,但星期日晚我收到個壞消息,就係喺廈門13歲隻狗狗離世,我真係好傷心,而喺香港養嘅大狗『金豬』又患癌,需要接受手術,狗狗打咗麻醉針,我驚佢醒唔返,之後醫生會幫佢照CT(電腦斷層掃描),了解腫瘤情況,如果可以接受手術,好返嘅機會大好多。」

馮盈盈被問到該套選美劇是否落實開工日期?她表示暫時仍未收到通知,但希望可以嘗試演出不同的角色和劇集,對於有傳該劇將會加入陳自瑤(YoYo)演出,盈盈有點驚訝:「有咁嘅事?都好喎,其實之前同YoYo合作機會唔多,只係試過一齊配音,如果佢參與演出的話實在令人期待,亦都希望可以喺演戲方面跟佢學習。」