大公文匯全媒體報道:公民黨嘅退黨潮退極都唔完,今次嘅主角就係沙田區議員雷啟榮,他噚日喺fb發帖聲稱,「經過慎重考慮」後決定退出公民黨,並感謝該黨過去的支援,自己會「繼續專注地區工作」,但未有交代退黨原因。

公民黨近年涉嫌勾結外國勢力,去年更因參與「初選」,多名前成員被控違反香港國安法,唔少黨員都爭相退黨保平安,而從去年至今,至少有18人退黨,包括陳淑莊、楊岳橋、譚文豪、郭家麒、郭榮鏗5名立法會前議員,以及伍月蘭、陳諾恒、譚家浚、冼豪輝、俞竣晞、鄭達鴻、黃家華、李予信、鄭文杰、畢東尼、李軍澤、李煒林和黃文萱13名區議員。雖然主席梁家傑唔肯解散公民黨,但睇嚟都離滅黨不遠喇!

責任編輯: 梁存希