方嘉柏憑「達心星」捧走打吡大賽之後,呢輪手風平平似乎進入回氣期,曾經有三次賽事無進帳,踏入四月份田戰蔡約翰預告質新馬將會空群而出,難怪今次跑馬地賽事,方仔決定主場搵晒三大高手莫雷拉、潘頓及田泰安幫忙啦。看排位表方嘉柏有六駒列正選,當中「綠色有運」、「日日靚」同埋「賞心星」就起用莫雷拉執韁,而「駿爵士」、「電子寶貝」就由三哥田泰安出擊。至於上仗由楊明綸執韁只跑第七名「快步速」,因郭能停賽關係轉用潘頓策騎,亦係繼早前「顯心星」後,方嘉柏與潘頓再次攜手出擊,睇能否爭取好成績。