● 《舊日的足跡》節目主持車淑梅與白彪合照。

香港文匯報訊(記者 阿祖)74歲的白彪近日接受車淑梅訪問,當中談到他入行 52 年,憑精湛演技於TVB頒獎禮榮膺「最佳男配角」。 現實中白彪家庭至上,但他在上世紀90年代移民加拿大差點離婚收場:「當時冇乜戲拍,心情麻麻,兩公婆嗌交時又口不擇言!有一次我好衰,嗌到㷫起掟咗個花樽落道牆,仲掟穿咗個窿,為呢件事老婆要同我離婚,紙都差不多簽埋,好彩後來大家冷靜,老婆回心轉意……嗰個窿3個月都冇人理,我第一件事親手去補返個窿,連隨就補返埋段情!老實講,兩公婆一定有拗撬,只要體諒,各自退一步,最緊要唔好提離婚兩個字,一定好似《香港愛情故事》咁樣大團圓結局!」

白彪又分享去年太太回港探孖孫,一對龍鳳胎孫兒是不足月出世,眼見就像兩堆麵粉仔,加上疫情關係,未能到醫院探望,只能靠護士上傳照片,實在擔心到不得了。幸好乖孫們現已學行,才放下心頭大石,為此感到開心:「我對龍鳳胎孖孫都帶畀我好好運,帶挈爺爺攞咗個最佳男配角獎!」

這位第一代郭靖至今難忘當年被金庸公開稱讚:「哈哈!其實我都覺得自己似,因為資質唔係咁smart,學嘢唔快,仲有我都好易畀人搵笨㗎!」白彪於1995年再拍《神雕俠侶》與古天樂、李若彤合作,他第三次演郭靖已駕輕就熟。

提到當年古天樂青靚白淨成個白面書生般,但記性好又專業,演得好自然似足楊過,已看好他非池中物。白彪又對林淑敏及羅天宇加以讚許:「我最欣賞大小姐林淑敏,佢做戲好流暢,每一個動作、每一個表情,我都好欣賞!而羅天宇性格戇直又內向,外形都似郭靖,如果郭靖選角,佢嘅演繹方法都有八九成似。」