香港文匯報訊（記者 梁靜儀）林奕匡（Phil）昨日出席新城電台直播活動，與香港長跑好手陳家豪分享傷健共融的重要性。

有跑步習慣的Phil，透露平日也有跟陳家豪做體能及跑步訓練：「家豪會放慢腳步同我哋練習，我平時跑5公里要20幾分鐘，10公里就1個鐘多啲，不過近排慢咗，因為之前右手甩跤，同埋健身室又關門，所以現在有時會落停車場跑下，pick up返。」他否認操弗是準備做爸爸，而是準備到澳洲參加馬拉松：「呢個計劃本來係舊年，但疫情關係延到今年7、8月。」

節目中Phil又分享2008年由美國回港迷路的趣事，他笑說：「當時返嚟香港一兩個禮拜，同太太（李靄璣）搭巴士，我太攰瞓咗覺，冇發現佢拍我叫落車，到瞓醒至發覺啲銀包、電話放晒佢度，有乘客話我知太太已落咗車，當時我完全唔識路，唔知自己喺邊好徬徨，好彩有個市民畀咗50蚊我搭的士返屋企，呢個恩我會記一世。」