鄺士山嘅彈起,同黑暴衝擊有關。鄺士山多次聲稱警方喺驅散黑暴時發放的嘅催淚彈(TG)「釋出大量二噁英」,攬炒派同《蘋果日報》等當然如獲至寶咁渲染,話係「毒害香港人」。結果呢,就係被研究二噁英嘅專家以至化驗結果打臉,冇得再炒作,但佢就因為企喺黑暴嗰邊,喺「黃絲」群中甚受歡迎,現在更力「sell」口罩𠻹。

喺修例風波期間,中文大學校園嚿年被黑衣暴徒佔領仲四處縱火,警方發射催淚彈驅散,鄺士山當時猛咁講佢嘅「二噁英」論,其後更不斷接受「黃媒」訪問,講到催淚彈「劇毒無比」咁,可謂「一夜成名」。

化驗證TG不含二噁英

不過,中大委託咗獨立認可實驗室喺不同時間到校園內多個地點抽取空氣、水質及泥土樣本化驗。結果顯示,泥土樣本的二噁英含量遠低於環保署指引,健康危害或風險屬極低水平;水樣本的二噁英含量相對於美國國家環境保護局建議的飲用水標準屬不顯著水平,對人體健康不會有明顯影響。

身為攬炒派的「新民主同盟」成員、中大生命科學院副教授兼環境科學課程主任陳竟明,當時亦喺港鐵大學站、二號橋、球場、崇基學院等地抽取泥土樣本及水樣本交化驗所檢測,結果獲口頭通知,初步檢測並沒有發現二噁英。

專門研究二噁英的中大醫學院賽馬會公共衞生及基層醫療學院職業及環境建築學部客座教授黃子惠當時在接受香港文匯報訪問時更表示,沒有文獻提過催淚煙含有二噁英,反而有文獻指催淚煙不含二噁英。他指出,人類體內的二噁英有逾90%來自食物污染,其次是燃燒雜物所吸入,「如焚化爐般每日燃燒數以百噸計垃圾,就會產生影響。」

老作損肺個案被踢爆

唔止咁,鄺士山仲曾經喺facebook出post話「勿忘催淚彈後遺証(症)」,仲話係屯門醫院度話,「全港首宗催淚彈肺部受損」個案已簽咗拒絕急救,準備好及已經登記成為「無言老師」,即係遺體捐畀醫學院做教學用途咁話,又似層層咁話對方「一直」由中文大學呼吸系統科講座教授許樹昌診治𠻹。

嘩,有名有姓以為堅料啦,《蘋果》如獲至寶咁大報特報啦。屯門醫院當時回應話,目前沒有一名因催淚彈而嚴重肺部受傷的危急病人,而許樹昌就話自己只係睇過呢個個案一次,仲踢爆話該病人症狀輕微咁話。

俾專家以至化驗結果打完臉,加上黑暴稍息,佢都有一排冇再講咩二噁英嘞。但轉頭就轉型,突然化身「口罩專家」,轉「sell」口罩,經常話經佢「檢驗」後,呢個牌子唔合標準、嗰個牌子冇用等。其中有冇涉及咩金錢交易就無人知,但所謂「上得山多終遇虎」,今次就真係「驗出禍」嚟嘞!

■香港文匯報記者 陳川