楊受成向旗下藝人送禮大手筆 衛詩雅收鑽石頸鏈 關智斌獲金算盤牌
香港文匯報訊（記者 子棠）關智斌（Kenny）日前在「0 e:ffect Concept Store」舉行《前面是新的歲月記得走下去》爆花彩膠唱片簽名會。簽名會前，Kenny跟剛於華鼎獎封后的衛詩雅（Michelle）驚喜快閃概念店附近的羅素街英皇鐘錶珠寶店。英皇集團主席楊受成博士向即將出嫁的Michelle送上鑽石頸鏈、而Kenny則獲老闆送上算盤金牌，認真大手筆。
將於明年2月舉行婚禮的Michelle原本在珠寶店看心水首飾，而其老闆楊博士早有準備：「我買咗樣嘢送畀你做結婚禮物，但你一定要結婚嗰日戴！係鑽石。」Michelle大呼感動兼多謝老闆，指鑽石頸鏈跟她的婚紗十分配襯，又笑言：「我老公都冇送過咁貴重嘅禮物畀我。」楊博士笑問：「我想問，你老公會唔會呷醋先？」Michelle表示：「唔理啦，唔理佢，唔理後果，哈哈。」
關智斌被老闆「請食檸檬」
除了Michelle，楊博士又贈送Kenny一塊金牌頸鏈，Kenny亦十分識做說：「戴着佢一世行運呀！多謝老闆！」當Michelle為Kenny戴上金牌時，發現金牌原來是一個金算盤，Kenny即謂：「老闆知我孤寒，知我喺度計數！哈！哈！」
快閃珠寶店後，二人一到達店舖，看到自己在店內的大型廣告相片，不禁大讚「好靚」，Michelle表示前一晚在等待電影《破·地獄》謝票的空檔，看到店外及店內換上二人的廣告相，立即影相兼拍下send給Kenny，並大讚拍得十分漂亮。Kenny在concept store舉行簽名會時，這次輪到楊博士驚喜現身，Kenny一看到楊博士，即着同事拿來唱片打算簽名送給老闆：「最大嘅粉絲，第一隻要簽名嘅碟，要畀老闆。」不過楊博士竟然拒絕，笑着說：「我唔要、我唔要！」「慘食檸檬」的Kenny問：「做咩唔要呀？你知唔知出面炒得好勁呀，老闆！」楊博士未有理會，邊走向舖頭門口邊說：「畀啲粉絲、畀啲粉絲。」十分搞笑。
雖然簽名會舉行當日正掛起三號風球，不過仍無阻早已登記了的四百名粉絲等候，不少粉絲亦向Kenny送上別出心裁的禮物，包括運程書、鑊鏟廚具、Kenny半裸爆肌電話殼等，令Kenny哭笑不得：「呢個手機殼點樣出街用 ？啲人會話你變態喎。」簽名會順利完成，Kenny坦言之前十分擔心粉絲：「三號風球都有啲擔心，不過冇落雨。我之前好擔心佢哋，橫風橫雨咁點算？好彩都有啲風涼涼哋，順順利利完成呢個簽名會。」
