創意新潮素食館 菜式像真度高口感正
新春期間特別多人吃素，除了習俗年初一不殺生食齋外，許多人覺得怕肥膩也喜歡食素，在此介紹一間無論是佛教徒，或是因為健康選擇食齋的餐館。位於尖沙咀廣東道海威中心的Veggie Kingdom緻素坊，大廚Dicky除了炮製傳統素菜外，亦有時下年輕人喜歡的川粵小菜式，各款粵式點心蝦餃燒賣，以及水煮魚都有，像真度非常高之餘，重點是不油膩。Dicky不會以油炸麵筋、油炸芋頭為主，而是用新潮食材菇菌蔬菜主導，而且還採用廚師發辦方式落餐單。
◆採、攝︰焯羚
原來「緻素坊」老闆之一，即大廚Dicky是點心師傅出身，年紀輕輕的他，已做過點心、川菜、素食等，創意極強，他不是靠醬汁而是靠食材本身的味道，純素點心和小菜都非常好食，因為口感和味道都好，無肉不歡的人都讚超好，絕對值得推介給各方好友。
每日新鮮製作素點心
大廚Dicky設計開放式廚房，讓食客可以看到師傅包點心，點心全部每日新鮮製作，如筍尖蝦餃皇，蝦餃皮薄餡靚，入面彈牙的是素蝦，但帶出鮮味原來要用筍子，食落跟真蝦做的蝦餃是一模一樣。而香菇燒賣，他們是用植物肉，燒賣中間豬肉咬落去又是跟真燒賣一樣，口感和味道都好正。
蒸的點心黑松露野菌餃，當然是多擁躉，一入口黑松露香全數湧入口內，一食即愛上！一籠四粒不嫌多。而春風得意腸則入口帶脆，雜菇餡料，配搭自家製豉油，都是超好味呀。
經典川粵菜變素食版
除點心外，去素菜舖必試素叉燒水準，他們的秘製叉燒咬落去口感是肥叉燒，味道略甜但幾清爽唔會膩，最正是外皮夠脆口。大廚致力將經典川粵菜式變做素食版，如秘製水煮魚、素食酸菜魚、胡椒豬肚煲等，你無見過吧﹗大廚透露湯底要做八種菇菌熬六小時以上，並將杏鮑菇薄切扮魚片，口感仲嫩滑過真魚，又帶點辣非常惹味呀，最啱無辣不歡的人。筆者覺得，水煮魚無得彈，估唔到食純素都很有驚喜。
愛吃香口食物的，可以選手撕杏鮑菇，好食到停唔到口；甘筍鹹水角外形超可愛，色香味俱全；雪山叉燒包大廚話每日12點前新鮮出爐，因為即焗的關係很快賣晒，如想吃，早點到或電話預訂。至於餐館特色甜點，除了大廚Dicky得獎作品外，芒果布丁亦很有特色，看花盆造型加上小鏟子夠吸睛，用了兩種芒果製作布丁個糊，又要過濾三次，香滑好食！
網址：http://www.veggiekingdom.hk/
