【熱點民議】接種長者點睇疫苗？
楊先生（80幾歲）：我身體健康，接種前有問過私人醫生，無問題才來打針。選擇科興因為呢隻疫苗比較快可以接種，我哋老人家免疫力差，想盡早形成保護力，且科興對長者而言更穩妥。唔會受新聞影響，並不擔心，香港每日咁多人因不同緣由去世，好難講（兩個死亡個案）是否與接種疫苗有關。
曾女士（逾60歲）：疫苗推出後就好想打，冇咩擔心，佢哋（死者）係長期病患，（健康）肯定差啲，可能佢哋唔打疫苗都會走，咁又唔關（疫苗）事。既然已經預咗（接種），都唔想浪費個名額，費事之後又要重新預約，我哋又冇長期病，身體好健康。接種前工作人員問得好仔細，問我最近有冇唔舒服，平時有冇一些慢性病，問得好盡。
霍先生（逾70歲）：都唔會驚，我身體健康，又無長期病，中心職員今次問得好仔細，問有冇高血壓、糖尿病，或者曾經對疫苗有過敏反應。選擇科興因為它副作用少，且更適合長者，我諗國家已經批准，肯定合規格。打完完全冇任何異常，好正常咁出來，唔擔心、有信心。 ●文：香港文匯報記者 邵昕
圖：香港文匯報記者 文森 攝
