落雨同迷你豬「相依為命」 羅啟豪以粉蝶花為MV背景
香港文匯報訊（記者 阿祖）羅啟豪剛剛放完一個短假，到了日本的大阪和京都，他表示到埗首兩天都有落雨，第一日雨下不停，於是他打消行特色小店的念頭，另去尋找一些合適的室內活動。當時他正站在一間迷你豬咖啡館樓下，便走上去「八卦」一番。啟豪第一次見迷你豬，店長便讓兩隻迷你豬跟他一起玩：「平時我好少探訪動物餐廳，今次呢兩隻豬好唔怕人，佢哋好乾淨，一隻溫柔啲，一隻惡啲。雖然落雨要取消原定計劃，但係有佢哋同我『相依為命』，覺得塞翁失馬，焉知非福。」
另外， 羅啟豪今次旅程另一個目的，是要為其自家頻道 MV 取景。他說：「今次已經係自家頻道『歌曲重 Sung』系列嘅第六隻歌，好想有機會喺外地取景。之前幾次登台都夾唔到時間做拍攝，於是就決定要完成自己的心願。」一向喜愛大自然的啟豪，在計劃行程期間，留意到旅程會遇上大阪一年一度的粉蝶花祭，在這一個月間，公園會有100萬朵香港少見的淺藍色粉蝶花盛開，他便決定MV以此難得的美景作為拍攝背景，期望為這個系列的新歌《My Heart Was Home Again》帶來既夢幻又浪漫的畫面。
