認為父親與老公性格相似 陳凱琳再三強調無意追女
香港文匯報訊（記者 阿祖）陳凱琳（Grace）昨日穿低胸大露背裝擔任二手店開幕嘉賓，她表示老公鄭嘉穎和父親均於下月中生日，兩人只相隔一天，所以每年都會一次過慶祝：「可能我和爸爸關係好，所以揀個老公都與他性格和喜好差不多的人。」她表示會去揀選禮物，會買份同一樣但不同顏色的，就算是買給兒子的，也會一式一樣就不用爭。
Grace笑言下月底一家五口會去擁有陽光與海灘的熱帶地區旅行，也順便當為老公嘉穎慶祝生日，所以想好會送個大袋給老公作為生日禮物，到時將細仔的尿片放進去備用：「之前我們只試同大仔、二仔去旅行，現在細仔1歲半，可以帶埋他去玩。」
嘉穎之前說過渴望追個女，會否在旅程中孕育小生命？Grace笑說：「他鍾意女，會黐爸爸，我就一向鍾意仔，醫生話畀我知第三胎係仔，我開心到嘩了一聲，但3個都夠晒數。」是否宣布「封肚」？她表示又不會講得這麼實在，總之3個夠晒數：「同埋我個大仔好sweet，細仔又似女仔，頭髮又捲又長。」她又指圈中像胡杏兒都有3個仔，看未來會否有人破紀錄。
