灣區融合人流增 業界冀帶旺直通巴
運輸業界以至整個香港目前仍在「療傷」階段，不少規模較小的直通巴公司苦苦支撐，張劍平在訪問中表示，目前跨境直通巴士客量只及疫情前一半，除內地訪客人數仍未恢復至以往水平外，主要原因是客源模式因疫情已改變，跨境工作的香港乘客銳減，令客量大不如前。粵港澳大灣區融合發展，為他們帶來商機：目前有不少港人到內地睇樓及置業，而特區政府放寬26個非技術或低技術工種輸入外勞，部分人或每日跨境來港工作，令直通巴服務需求上升，故雖然業界目前仍處於困難時期，但對未來抱有憧憬。
張劍平對香港文匯報表示，以往不少港人跨境工作，但疫情肆虐三年帶來改變，「除咗內地個人遊旅客人數未恢復以往咁多外，其實以前直通巴士服務有好多乘客都係即日來回，短途車多數係跨境工作乘客，唔少到深圳周邊地區工作，一早北上，但經過三年疫情，北上工作的客源已經大減，另外亦有一啲酒樓員工住喺深圳，一朝早返香港做嘢，夜晚返上去住，但亦少咗呢類客。」
疫前客源難恢復 逢假日乘客爆滿
「經過三年疫情，佢哋都回流香港居住，以往夜晚同朝早班次都好爆，?家已經唔得，相信這類客源好難恢復，有啲情況唔可以逆轉，現時客量最多恢復一半左右，有個別線路未能恢復。」他解釋。
香港與內地全面復常通關後，每逢假日也有大批港人北上消費，張劍平承認假日乘客數量確實十分多，「近期以我公司經營嘅中山線為例，每個假期都爆，端午又爆、七一又爆，一有兩三日假香港客就好多人上去。」
他形容，大灣區融合發展為業界帶來不少商機，「近期恢復得最多係到大灣區內地城巿買樓，睇樓團或啲客之前已經北上置業，現在要返內地收樓同上去裝修等，探親嘅都有，乘客種類已經唔同咗，平日客量唔得，只係集中在假期，最理想係日日都有客，需要客源穩定。」
北上置業港人增 新設內地屋苑線
張劍平直言，業界現在仍面對不少困難，但仍在堅持，「正常嚟講呢行有個PSL（客運營業證），個牌照有價值，同埋我哋屬於粵港兩地公司，想執笠都唔容易。我哋同內地公司合作經營一間公司，唔能夠話唔做就唔做，成本大都要頂住上。客量未恢復，巴士又要維修，司機人工又高，又面對高鐵競爭，?家高鐵仲會地鐵化，細公司唔夠資金營運，咪開少啲（班次），繼續唔開，或開一兩架頂住先。」
但他相信，目前面對的困難只屬短暫性，粵港澳大灣區融合發展會令往來人流增加，直通巴需求會回復，「未來大灣區發展係有空間，即使有高鐵競爭，但巴士有巴士的客路，唔少老人家會搭，另外多咗經營內地屋苑線，因為好多香港人鍾意北上買樓，尤其去中山置業，咁我哋都開咗好多當地屋苑路線，個個禮拜都有人包車去中山，所以大家都有個憧憬，辛苦都要去捱，呢個時間大家都係痛苦，因為覺得有前景。」
香港特區政府在推出2萬個名額的建造業和運輸業輸入勞工計劃的同時，亦放寬讓26個非技術或低技術工種輸入外勞，其中可能有不少人由深圳每日跨境來港工作，「日後嚟香港嘅外勞唔係淨係嗰2萬個特別計劃名額咁少，政府開放好多服務行業輸入外勞，所有客源結構會改變，以前多數係香港人跨境工作，未來轉變模式，外勞跨境嚟香港。」
雖然張劍平直言自己沒有「水晶球」，難以估計業界何時才完全恢復正常，但新的發展帶來新的機遇，令業界都對未來抱有憧憬。
